Azərbaycanlı gimnast Zöhrə Ağamirova Dünya kubokunda növbəti dəfə finala vəsiqə qazanıb.
İdman.biz xəbər verir ki, o, lentlə çıxışda 33,650 bal toplayaraq, bu hüququ əldə edib.
Zöhrə təsnifat mərhələsini 5-ci pillədə başa vurub. Ağamirova çoxnövçülükdə isə 8-ci yeri tutub. O, 125,850 xal toplayıb. Yığmamızın digər üzvü Kamilla Seyidzadə Dünya kubokunu 23-cü pillədə başa vurub.
Çoxnövçülükdə almaniyalı Darya Varfolomeyeva (138.150) fəxri kürsünün ən yüksək pilləsində yer alıb. Bolqarıstanlı Elvira Krasnobayeva (134.950) 2-ci, italiyalı Sofiya Raffaeli (130.700) 3-cü olub.
Qeyd edək ki, Zöhrə Ağamirova halqa ilə çıxışda da Dünya kubokunun finalında mübarizə aparacaq.
İdman.biz