"Formula-1" üzrə Azərbaycan Qran-prisi “Mercedes” pilotu Corc Rassellin qələbəsi ilə başa çatıb.
İdman.Biz xəbər verir ki, pouldan start götürən britaniyalı Bakı Şəhər Halqasındakı 51 dövrəni birinci yerdə tamamlayıb. Yarışın sonlarında Rassell Maks Ferstappenin (Red Bull) ciddi təzyiqi ilə üzləşsə də, liderliyini qoruya bilib. Finişdə pilotları cəmi 0,1 saniyə ayırıb. Bu, Rassellin cari mövsümdə üçüncü qələbəsi olub.







Üçüncü yeri “Red Bull”un digər pilotu İsak Ajar tutub. Onun ardınca Şarl Lekler, çempionatın lideri Kimi Antonelli və Lyuis Hemilton finiş görüblər. İlk onluğu Arvid Lindblad, Esteban Okon, Oliver Berman və Karlos Sayns tamamlayıblar.
Azərbaycan Qran-prisinin ilk “10-luğu”:
1. Corc Rassell — Mercedes
2. Maks Ferstappen — Red Bull
3. İsak Ajar — Red Bull
4. Şarl Lekler — Ferrari
5. Kimi Antonelli — Mercedes
6. Lyuis Hemilton — Ferrari
7. Arvid Lindblad — Racing Bulls
8. Esteban Okon — Haas
9. Oliver Berman — Haas
10. Karlos Sayns — Williams
Yarış sakit keçməyib. Aleks Albonun qəzasından sonra təhlükəsizlik avtomobili trassa çıxıb. Daha sonra Franko Kolapinto restart zamanı səhvə yol verib və bunun nəticəsində Pyer Qasli ilə Lando Norris mübarizəni dayandırmalı olublar. Oskar Piastri isə uzun müddət podium uğrunda mübarizə aparsa da, təkərlərin bloklanmasından sonra mövqelər itirib və sonda yalnız 14-cü yeri tutub.
Bakı mərhələsindən sonra Kimi Antonelli 302 xalla çempionatdakı liderliyini qoruyub. Rassell qələbə sayəsində xalını 236-ya çatdırıb və komanda yoldaşı ilə fərqi 66 xala endirib. Lyuis Hemilton 199 xalla üçüncüdür. Sonrakı yerlərdə Lando Norris — 186, Şarl Lekler — 179, Maks Ferstappen — 163, Oskar Piastri — 120, İsak Ajar — 86, Liam Louson — 59 və Pyer Qasli — 41 xalla qərarlaşıblar.
Konstruktorlar Kubokunda isə “Mercedes”in üstünlüyü daha böyükdür. Komanda 538 xalla liderdir. “Ferrari” 378, “McLaren” 306, “Red Bull” 263, “Racing Bulls” 83, “Alpine” 68, “Haas” 27, “Audi” 17, “Williams” 12, “Aston Martin” 3 xal toplayıb. “Cadillac”ın isə hələ xalı yoxdur.
Maraqlıdır ki, ötən il Bakıda ilk iki yeri eyni pilotlar tutmuşdular, amma fərqli ardıcıllıqla. 2025-ci il Azərbaycan Qran-prisinin qalibi Maks Ferstappen olmuş, Corc Rassell isə ikinci yeri tutmuşdu. Həmin yarışda üçüncü pilləyə Karlos Sayns qalxmışdı..
Bu dəfə isə Rassell Bakıda ötənilki qalib Ferstappendən revanş almağı bacarıb.
17:05
Bakıda keçirilən “Formula-1” üzrə Azərbaycan Qran-prisinin qalibi müəyyənləşib.
İdman.Biz xəbər verir ki, “Mercedes” pilotu Corc Rassell 51 dövrəlik mübarizəni birinci pillədə başa vurub.
Bununla da britaniyalı sürücü karyerasında ilk dəfə Bakıdakı yarışın qalibi olub.
“Red Bull”dan Maks Ferstappen ikinci, onun komanda yoldaşı İsak Hacar isə üçüncü yeri tutub.
16:47
Bakıda keçirilən “Formula-1” üzrə Azərbaycan Qran-prisinin əsas yarışı davam edir.
İdman.Biz xəbər verir ki, 40 dövrədən sonra “Mercedes” pilotu Corc Rassell liderliyini qoruyur.
“Red Bull”dan Maks Ferstappen ikinci, onun komanda yoldaşı İsak Hacar isə üçüncü pillədə qərarlaşıb.
Qeyd edək ki, 20 döngədən ibarət Bakı treki 51 dövrə üzrə keçirilir və yarış məsafəsi ümumilikdə 306,049 kilometrdir.
16:39
“Formula-1” üzrə Azərbaycan Qran-prisinin əsas yarışında daha iki pilot qəza törədib.
İdman.Biz xəbər verir ki, “McLaren” pilotu Lando Norris ilə “Alpine” sürücüsü Pyer Qaslinin bolidləri toqquşub.
Qəza nəticəsində hər iki pilot mübarizəni dayandırmalı olub.
Qeyd edək ki, Azərbaycan Qran-prisinin əsas yarışı bu gün başa çatacaq.
16:13
“Uilyams” pilotu Aleksandr Albon Bakıda keçirilən “Formula-1” üzrə Azərbaycan Qran-prisinin əsas yarışında qəza törədib.
İdman.Biz xəbər verir ki, onun idarə etdiyi bolid baryerə çırpılıb.

Qəzanın ardından trasa təhlükəsizlik maşını çıxıb. Albon isə mübarizəni davam etdirə bilməyib.
Qeyd edək ki, Azərbaycan Qran-prisinin əsas yarışı bu gün başa çatacaq.
16:00
Bakıda keçirilən “Formula-1” üzrə Azərbaycan Qran-prisinin əsas yarışı davam edir.
İdman.Biz xəbər verir ki, 30 dövrədən sonra “Mercedes” pilotu Corc Rassell liderliyini qoruyur.
“McLaren”dən Oskar Piastri ikinci, “Red Bull”un pilotu Maks Ferstappen isə üçüncü pillədə qərarlaşıb.
Qeyd edək ki, 20 döngədən ibarət Bakı treki 51 dövrə üzrə keçirilir və yarış məsafəsi ümumilikdə 306,049 kilometrdir.
15:56
Bakıda keçirilən “Formula-1” üzrə Azərbaycan Qran-prisinin əsas yarışında daha bir pilot mübarizəni dayandırıb.
İdman.Biz xəbər verir ki, “Aston Martin”in pilotu Fernando Alonso yarışı başa vura bilməyib.
Daha əvvəl onun komanda yoldaşı Lens Stroll da mübarizədən kənarda qalıb.
Qeyd edək ki, Azərbaycan Qran-prisinin əsas yarışı bu gün başa çatacaq.
15:44
Bakıda keçirilən “Formula-1” üzrə Azərbaycan Qran-prisinin əsas yarışı davam edir.
İdman.Biz xəbər verir ki, 20 dövrədən sonra “Mersedes” pilotu Corc Rassell liderliyini qoruyur.
“Maklaren”dən Oskar Piastri ikinci, “Red Bull”un pilotu Maks Ferstappen isə üçüncü pillədə qərarlaşıb.
Qeyd edək ki, 20 döngə, 51 dövrədən ibarət olan Bakı treki ümumilikdə 306,049 km məsafəni əhatə edir.
15:36
“Aston Martin”in sürücüsü Lens Stroll “Formula-1” üzrə Azərbaycan Qran-prisinin əsas yarışında problemlə üzləşib.
İdman.Biz xəbər verir ki, sürücü doqquzuncu dövrədə mübarizəni dayandırıb.
O, bolidindəki problem səbəbindən bu halla üzləşib.
Qeyd edək ki, Bakıdakı Qran-pri bu gün başa çatır.
15:21
Bakıda keçirilən “Formula-1” üzrə Azərbaycan Qran-prisinin əsas yarışı davam edir.
İdman.Biz xəbər verir ki, 10 dövrədən sonra “Mercedes” pilotu Corc Rassell liderliyini qoruyur.
“McLaren”dən Oskar Piastri ikinci, “Red Bull”un pilotu Maks Ferstappen isə üçüncü pillədə qərarlaşıb.
Qeyd edək ki, 20 döngədən ibarət Bakı treki 51 dövrə üzrə keçirilir və yarış məsafəsi ümumilikdə 306,049 kilometrdir.
15:02
“Formula-1” Azərbaycan Qran-prisinin əsas yarışına start verilib.
İdman.Biz xəbər verir ki, yürüşdə hər birində iki pilot olmaqla 11 komanda mübarizə aparır.
“Formula-1” yürüşündə pilotlar start düzülüşünə sıralama turunun nəticələrinə əsasən çıxıblar.
Yarışa birinci yerdən “Mercedes”in sürücüsü Corc Rassell başlayıb. İkinci pillədə “Ferrari”nin pilotu Şarl Lekler, üçüncü sırada isə “McLaren”in təmsilçisi Oskar Piastri qərarlaşıb. Onları müvafiq olaraq İsak Hacar (“Red Bull”), Lando Norris (“McLaren”), Luis Hemilton (“Ferrari”), Pyer Qasli (“Alpine”), Maks Ferstappen (“Red Bull”), Karlos Sayns (“Williams”) və Esteban Okon (“Haas”) izləyirlər.
09:01
“Formula-1” üzrə Azərbaycan Qran-prisinin qalibi bu gün müəyyənləşəcək.
İdman.Biz xəbər verir ki, Bakıdakı yarışın əsas mərhələsi saat 15:00-da başlayacaq.
“Mercedes” pilotu Corc Rassell sıralama turunda ən yaxşı nəticəni göstərərək əsas yarışa ilk sıradan başlayacaq.
Azərbaycan Qran-prisinədək “Mercedes”in italiyalı pilotu Andrea Kimi Antonelli 292 xalla liderdir. Onun komanda yoldaşı Corc Rassell 211 xalla ikinci, “Ferrari”dən Lüis Hemilton isə 191 xalla üçüncüdür.
Konstruktorlar Kubokunda “Mercedes” 503 xalla liderdir. “Ferrari” 358 xalla ikinci, “McLaren” isə 306 xalla üçüncü pillədə qərarlaşıb.
