“İnter” tarixində 7-ci dəfə Çempionlar Liqasının (əvvəlki Çempionlar kuboku) finalına yüksəlib.
İdman.biz xəbər verir ki, yarımfinalda “Barselona”nı (3:3, 4:3) məğlub edən İtaliya klubu bunadək 6 dəfə finalın iştirakçısı olub.
Milan təmsilçisi 1964-cü, 1965-ci və 2010-cu illərdə kuboku başı üzərinə qaldırıb. 1967-ci, 1972-ci və 2023-cü illərdə isə “İnter” həlledici qarşılaşmada məğlub olub.
“Barselona” isə ardıcıl 10-cu dəfə finaldan kənar qalıb. İspaniya klubu 2014/15 mövsümündən sonra həlledici matçda iştirak etməyib.
Qeyd edək ki, digər finalçı PSJ – “Arsenal” matçında müəyyənləşəcək.
İdman.biz
