Kilian Mbappe İspaniya La Liqasının dünən keçirilən “Atletiko” - “Real” oyununu tribunadan izləyə bilməyib.
İdman.biz xəbər verir ki, buna “Kral klubu”nun qadağası səbəb olub.
“Real” rəhbərliyi zədəli futbolçusunun matçı stadiondan canlı izləməsinə icazə verməyib. Onlar tribunada hər hansı insidentin yaşana biləcəyindən ehtiyatlanıblar. Bu üzdən “Alaves”lə qarşılaşmada zədələnən fransalı hücumçu komandasını arenadan dəstəkləyə bilməyib.
Qeyd edək ki, La Liqanın VIII turundakı Madrid derbisi 1:1 hesabı ilə başa çatıb. Qonaqlar 90+5-ci dəqiqədə qələbəni əldən veriblər. Hesabı müdafiəçi Militao açıb. Hakimin əsas vaxta əlavə etdiyi dəqiqələrdə isə Korrea komandasını məğlubiyyətdən xilas edib.
İdman.biz
