İspaniya millisi UEFA Millətlər Liqasının üçüncü turunda Çexiyanı 3:1 hesabı ilə məğlub etməklə tarixi məğlubiyyətsiz seriyasını davam etdirib.
İdman.Biz xəbər verir ki, bu nəticədən sonra İspaniyanın uduzmadan keçirdiyi oyunların sayı 41-ə çatıb. Bu, milli komandalar tarixində ən uzun məğlubiyyətsiz seriyadır.
İspaniyanın rekord göstəricisinə 32 qələbə və 9 heç-heçə daxildir. Bu müddətdə komanda Avro-2024 və 2026-cı il dünya çempionatında qızıl medallara sahib çıxıb.
İspaniya millisinin son məğlubiyyəti 22 mart 2024-cü ildə qeydə alınıb. Həmin vaxt yoldaşlıq görüşündə Kolumbiya seçməsi ispanları 1:0 hesabı ilə məğlub edib.
Qeyd edək ki, İspaniya Millətlər Liqasının növbəti turunda oktyabrın 6-da səfərdə Xorvatiya ilə qarşılaşacaq.
