Spalletti “Yuventus”un qələbəsi ilə tarixə düşdü: 600-cü oyun və rekord

23 Noyabr 2026 03:27
47
Spalletti “Yuventus”un qələbəsi ilə tarixə düşdü: 600-cü oyun və rekord

İtaliyanın “Yuventus” futbol komandasının baş məşqçisi Luçano Spalletti ölkə çempionatında əlamətdar göstəriciyə imza atıb. Təcrübəli mütəxəssis Seriya A-da baş məşqçi kimi 600-cü oyununu keçirib.

İdman.Biz xəbər verir ki, 67 yaşlı çalışdırıcı bu yubileyə İtaliya çempionatının 12-ci turunda “Venetsiya” ilə qarşılaşmada çatıb. Turin təmsilçisi həmin görüşdə rəqibini 4:0 hesabı ilə məğlub edib.

Spalletti Seriya A tarixində 600 oyun həddinə çatan altıncı, hazırda fəaliyyətini davam etdirən mütəxəssislər arasında isə ikinci baş məşqçi olub.

2025-ci ilin noyabrında “Yuventus”un sükanı arxasına keçən mütəxəssis bu müddətdə komandanı İtaliya çempionatında 40 qarşılaşmaya çıxarıb. O, Turin təmsilçisinə rəhbərlik etdiyi ilk il ərzində bütün turnirlərdə ümumilikdə 55 oyun keçirib.

İtaliyalı mütəxəssis məşqçilik karyerası ərzində Seriya A-da “Empoli”, “Udineze”, “Roma”, “İnter” və “Napoli” komandalarını da çalışdırıb.

Qeyd edək ki, “Yuventus” “Venetsiya” üzərində qələbədən sonra xallarının sayını 21-ə çatdıraraq turnir cədvəlində altıncı pilləyə yüksəlib.

İdman.Biz