"Biz istədiyimiz nəticəni qazandıq və Azərbaycana böyük üstünlüklə yollanacağıq".
İdman.biz xəbər verir ki, bunu Zaqreb "Dinamo"sunun hücumçusu Sandro Kulenoviç deyib.
Çempionlar Liqasının pley-off mərhələsinin ilk oyununda "Qarabağ"ın qapısına 2 qol vuran xporvatiyalı hücumçu nəticədən razıl qaldığını bildirib: "Bizim daha çox fərqlənmək şansımız var idi. Azarkeş dəstəyi möhtəşəm idi. İndi biz çempionatdaı növbəti oyuna köklənə bilərik. Çempionlar Liqasında, xüsusilə "Maksimir"də qol vurmaq əla hissdir. Ümid edirəm, burada daha 4 oyun keçirəcəyik. Bu, ilk addım idi".
Qeyd edək ki, "Dinamo" Zaqrebdə keçirilən ilk oyunda 3:0 hesabı ilə qələbə qazanıb.
İdman.biz
