"İlk matçdan daha gərdin oyun olacaq".
İdman.biz xəbər verir ki, bunu “Zirə”nin müdafiəçisi Ruan Renato deyib.
Braziliyalı legioner Avropa Liqasının I təsnifat mərhələsinin “Şerif”ə qarşı Bakıda keçiriləcək cavab oyununa həsr olunan mətbuat konfransında fikirlərini bildirib: “Rəqib ikinci oyuna daha hazırlıqlı gələcək. Doğma meydan amilini nəzərə alsaq, azarkeşlərimizdən bizə dəstək olmasını gözləyirik. "Şerif" müəyyən komponentlərdə yaxşı oynayan komandadır. Xüsusiilə birə-bir mübarizələri deyə bilərəm. Birinci oyundakı qələbə bizi növbəti mərhələyə daşımır. İlk oyundan sonra bizim də onlara qarşı müəyyən təcrübəmiz var. Fərdi olaraq onları təhlil etmişik. Nələrə qadir olduqlarını bilirik. Ona görə də əlimizdən gələni etməliyik".
Qeyd edək ki, “Zirə” – “Şerif” oyunu sabah saat 20:00-da start götürəcək.
Emin Ağa
İdman.biz
