"Beşiktaş"ın yeni baş məşqçisinin adına aydınlıq gəlib.
İdman.biz xəbər verir ki, komandaya niderlandlı mütəxəssis Covanni van Bronkhorst rəhbərlik edəcək.
Klubdan verilən məlumata görə 50 yaşlı mütəxəssislə 2+1 illik rəsmi müqavilə imzalanacaq. Covanni van Bronkhorstun işlədiyi son klub Şotlandiya "Reyncers"i olub. O, komanda ilə 2022-ci ildə yollarını ayırıb. Bundan başqa, məşqçi "Feyenoord" (Niderland) və "Quanqjou" (Çin) klublarında fəaliyyət göstərib.
Qeyd edək ki, Bronkhorst "Feyenoord"a (2016/2017) ölkə çempionu titulunu qazandırıb, "Reyncers"lə (2021/22) Avropa Liqasının finalında çıxış edib.
İdman.biz
