“Yuventus”un futbolçusu Pol Poqbanın cəzası bəlli olub.
İdman.biz xəbər verir ki, fransalı yarımmüdafiəçi 4 il müddətinə diskvalifikasiya olunub.
Buna səbəb futbolçunun orqanizmində dopinqin aşkarlanmasıdır. 2023-cü ilin oktyabrında Poqba iki dəfə test verib. Müayinələr onun orqanizmindəki testosteronun həddən artıq yüksək olduğunu üzə çıxarıb.
Qeyd edək ki, Pol 2022-ci ilin yayında “Yuventus”a qayıdıb. Onun müqaviləsi 2026-cı ilin yayında başa çatacaq.
İdman.biz
