Veteran futbolçu Aslan Kərimov UEFA Millətlər Liqasının yeni mövsümündə Azərbaycan yığmasının hansı komandalardan xal ala biləcəyini açıqlayıb.
"İdman Bizdə" verilişinin qonağı olan 51 yaşlı mütəxəssis hazırda baş məşqçisiz olan millinin 7 xal toplaya biləcəyini deyib.
Onun sözlərinə görə, C divizionunda Estoniya, İsveç və Slovakiya ilə mübarizə aparacaq yığma ən yaxşı halda 1 heç-heçə edib, 2 qələbə qazanacaq: "İsveçə qarşı matçlarda xal qazanacağımızı düşünmürəm. Slovakiya ilə görüşlərdə 1, Estoniya qarşı isə 6 xal qazanacağımızı fikirləşirəm".
Qeyd edək ki, Azərbaycan UEFA Millətlər Liqasında ilk oyununu sentyabrın 5-də Bakıda İsveçə qarşı keçirəcək.
Emin Ağa
İdman.biz
