İspaniya millisinin baş məşqçisi Luis de la Fuente 19 yaşlı hücumçu Lamin Yamalın inkişafından danışıb.
İspaniya millisi oktyabrın 3-də Millətlər Liqasının qrup mərhələsinin 3-cü turunda Çexiya ilə qarşılaşacaq.
İdman.Biz xəbər verir ki, baş məşqçi Luis de la Fuente matçdan əvvəl keçirdiyi mətbuat konfransında Lamin Yamalın mümkün start heyətində yer alması və onun inkişafı barədə danışıb.
“Biz sabahkı matç üçün ən uyğun heyəti meydana buraxacağıq. Lamin də nəzərimizdədir, lakin son qərarı bu gün axşam verəcəyik. Əgər o, ilk dəqiqələrdən meydana çıxsa, deməli, onun komandaya ən böyük təsiri məhz belə göstərə biləcəyini düşünürük.
Yamal hər gün daha da yetkinləşir. Ona baxmaq xoşdur. Görünür ki, o, istənilən təklifi qəbul etməyə və onu düzgün başa düşməyə hazır olan insandır. Bu, çox yaxşı xəbərdir”, - deyə de la Fuente bildirib.
Qeyd edək ki, Yamal Millətlər Liqasının ilk iki oyununda İspaniyanın start heyətində yer alıb. 19 yaşlı futbolçu İngiltərə ilə 3:2 hesablı matçda bir qol vurub, Xorvatiya üzərində 4:1 hesablı qələbədə isə dubl edib və məhsuldar ötürmə ilə yadda qalıb.
