Futbol üzrə Azərbaycan Premyer Liqasının dördüncü turunda 26 qol vurulub.
İdman.Biz xəbər verir ki, bu barədə Peşəkar Futbol Liqası məlumat yayıb.
Bildirilib ki, “Sabah” - “Zirə” (5:0), “Kəpəz” - “Şamaxı” (1:4), “Neftçi” - “Şəfa” (4:1), “Qarabağ” - “Araz-Naxçıvan” (3:2) qarşılaşmalarının hərəsində beş qol qeydə alınıb.
“Qəbələ” - “İmişli” və “Turan Tovuz” - “Sumqayıt” (hər ikisi 2:1) matçlarında isə üç top vurulub.
Turda orta məhsuldarlıq 4,33-ə bərabər olub. Bu, təkcə cari deyil, son altı mövsümün rekordudur.
Daha yüksək göstərici sonuncu dəfə 2020/2021-ci illər mövsümündə qeydə alınıb. 2020-ci il noyabrın 21-23-də keçirilmiş 10-cu turun dörd qarşılaşmasında 19 qol vurulub. Orta məhsuldarlıq 4,75-ə bərabər olub.
Ümumi qol sayında isə bu göstərici son 21 mövsümün rekordudur. 2005/2006-cı illər mövsümünün 36-cı turunda 27 qol vurulub. 2006-cı il mayın 29-30-da yeddi görüşdə orta göstərici 3,86 olub.
