Ukraynanın “Şaxtyor” klubunun braziliyalı hücumçusu Kauan Elias bir sıra Avropa klublarının diqqətini cəlb edib.
İdman.Biz bu barədə xarici KİV-ə istinadən xəbər verir.
Mənbənin məlumatına görə, “Şaxtyor” 20 yaşlı hücumçunu təxminən 40 milyon avro dəyərində qiymətləndirir.
Bildirilir ki, futbolçunu “Barselona”, “Qalatasaray”, eləcə də onun transfer imkanını nəzərdən keçirən bir neçə digər Avropa klubu yaxından izləyir.
Elias mövsümün sonunda Kataloniya klubundan ayrılacağını açıqlayan Robert Levandovskinin əvəzləyicisi ola bilər.
