İspaniya La Liqasında çempionluq uğrunda mübarizə aparan “Vilyarreal” futbol komandası 32-ci turda öz meydanında “Selta”nı qəbul edib. qarşılaşma meydan sahiblərinin 2:1 hesablı qələbəsi ilə yekunlaşıb.
İdman.Biz xəbər verir ki, oyuna sürətli başlayan meydan sahibləri artıq ikinci dəqiqədə Jerar Morenonun penalti zərbəsi ilə hesabı açıb. 29-cu dəqiqədə isə Nikola Pepe fərqi iki topa çatdırıb. Qonaqlar bu qollardan yalnız birinin əvəzini çıxa biliblər. 73-cü dəqiqədə Borxa İqlesias penaltidən fərqlənərək matçda son nöqtəni qoyub.
Bu qələbədən sonra xallarının sayını 65-ə çatdıran “Vilyarreal” turnir cədvəlində üçüncü pillədə qərarlaşıb. Aktivində 44 xalı olan “Selta” isə yeddinci yerdədir.
Qeyd edək ki, növbəti turda “Vilyarreal” mayın ikisində “Levante”ni qəbul edəcək. Viqo təmsilçisi isə bir gün sonra “Elçe” ilə üz-üzə gələcək.
23:37
İspaniya La Liqasında “Osasuna” futbol komandası 32-ci turda “Sevilya”nı qəbul edib. Meydan sahibləri geriyə düşdükləri oyunda 2:1 hesablı iradəli qələbə qazanıblar.
İdman.Biz xəbər verir ki, qarşılaşmanın birinci hissəsində hesab açılmayıb. Qonaqlar 69-cu dəqiqədə Nil Mopenin vurduğu qolla önə keçsələr də, üstünlüklərini qoruya bilməyiblər. “Osasuna”nın heyətində 80-ci dəqiqədə Raul Qarsiya tarazlığı bərpa edib. Meydan sahiblərinə üç xalı gətirən qolu isə hakim tərəfindən əlavə olunmuş vaxtda Alexandro Katena rəqib qapısından keçirib.
Bu qələbədən sonra “Osasuna” xallarını 42-yə çatdıraraq turnir cədvəlində doqquzuncu pilləyə yüksəlib. Aktivində 34 xalı olan “Sevilya” isə 18-ci pillədə, yəni düşmə zonasında qərarlaşıb.
20:41
İspaniya La Liqasında “Elçe” futbol komandası səfərdə “Ovyedo”nun qonağı olub. 32-ci turun qarşılaşması qonaqların 2:1 hesablı qələbəsi ilə yekunlaşıb.
İdman.Biz xəbər verir ki, “Elçe” oyuna sürətli başlayıb və altıncı dəqiqədə Pedro Biqasla hesabı açıb. Cəmi 10 dəqiqə sonra Qonsalo Vilyar del Frayle komandasının ikinci qoluna imza ataraq üstünlüyü ikiqat artırıb. Meydan sahibləri bu qollara yalnız 76-cı dəqiqədə İlyas Şairlə cavab verə bilsələr də, bu, xal qazanmaq üçün kifayət etməyib.
Bu nəticədən sonra “Elçe” xallarının sayını 38-ə çatdıraraq turnir cədvəlində 13-cü pilləyə yüksəlib. Aktivində 28 xalı olan “Ovyedo” isə sonuncu - 20-ci pillədə qərarlaşıb.
18:22
İspaniya La Liqasında “Real Sosyedad” futbol komandası səfərdə “Rayo Valyekano”nun qonağı olub. “Valyekas” stadionunda baş tutan 32-ci turun oyunu 3:3 hesablı heç-heçə ilə yekunlaşıb.
İdman.Biz xəbər verir ki, matçda hesabı 22-ci dəqiqədə Mikel Oyarzabal açıb. Meydan sahibləri 30-cu dəqiqədə Serxio Kamelyo ilə tarazlığı bərpa etsələr də, 63-cü dəqiqədə Orri Oskarsson qonaqları yenidən önə keçirib. 76-cı dəqiqədə Mikel Oyarzabal penaltini dəqiq yerinə yetirərək dublunu rəsmiləşdirib.
Oyunun sonu meydan sahiblərinin geri dönüşü ilə yadda qalıb. 84-cü dəqiqədə Floriyan Lejen fərqi azaldıb, 90+9-cu dəqiqədə isə Aleşandre Juravski bərabərlik qolunu vurub. Matçın 90+12-ci dəqiqəsində İsi Palason qırmızı vərəqə alaraq meydandan qovulub.
Hazırda “Real Sosyedad” 43 xalla səkkizinci, “Rayo Valyekano” isə 39 xalla 11-ci pillədə qərarlaşıb.
