Bu gün minifutbol üzrə Azərbaycan çempionatının qalibi müəyyənləşəcək.
İdman.Biz xəbər verir ki, oyun gününə üçüncü yer uğrunda qarşılaşma ilə start veriləcək.
Saat 19:00-da “Aznur” komandası “Sumqayıt”la üz-üzə gələcək.
Günün əsas qarşılaşması - final oyunu isə saat 20:30-a təsadüf edəcək. Həlledici matçda “Zirə” ilə “Birbaşa Bakı” çempionluq uğrunda mübarizə aparacaq.
Qeyd edək ki, hər iki görüş Bakı Tennis Akademiyasında keçiriləcək.
