“Qış fasiləsindən sonrakı dönəmin daha gərgin olacağını bilirik. Heyəti gücləndirmək istəyirik”.
Bu sözləri Birinci Liqanın turnir cədvəlində 25 xalla ikinci pillədə qərarlaşan “Baku Sportinq”in məşqçisi Röyal Nəcəfov deyib.
O bir neçə oyunçu ilə danışıq apardıqlarını vurğulayıb.
“Sıralarımıza cəlb etmək üçün əlaqə saxladığımız oyunçular var. Amma hələlik heç birinin transferi reallaşmayıb. Dəqiqləşəndən sonra açıqlayacağıq”, - deyə o, fanat.az-a açıqlamasında deyib.
Xatırladaq ki, Birinci Liqanın lideri “Şəfa”dır. Sözügedən kollektiv “Baku Sportinq”i 5 xal qabaqlayır.
