Futbol üzrə İngiltərə Premyer Liqasının futbol təqvimi Milad ritminə qədəm qoyur.
İdman.Biz xəbər verir ki, 17-ci tur üç günə yayılıb və əlavə təqdimata ehtiyac duymayan iki maraqlı afişa təklif edir.
Londonda “Tottenhem” çempionat tarixində ən məhsuldar cütlüklərdən birində “Liverpul”u dayandırmağa çalışacaq, Birmingemdə isə “Aston Villa” “Mançester Yunayted”in artıq indidən Çempionlar Liqası zonasına qayıtmağa hazır olub-olmadığını yoxlayacaq.
“Tottenhem” - “Liverpul” (20 dekabr)
Şimali Londonda keçiriləcək oyuna rəqiblər hazırkı formaya görə bir-birinə yaxın vəziyyətdə, lakin mövsüm üçün fərqli hədəflərlə yanaşırlar. 16 turdan sonra “Tottenhem” 22 xalla 11-ci pillədə qərarlaşıb, “Liverpul” isə 26 xalla 7-ci yerdədir.
Ev sahibləri üçün həftə “Nottinqem Forest”ə qarşı acı məğlubiyyətə reaksiyalarla keçib və baş məşqçi Tomas Frank komandanın yenidən iş rejiminə qayıtmağa kökləndiyini açıq şəkildə bildirib.
Bununla yanaşı, hər iki tərəf ciddi kadr problemlərini nəzərə almağa məcburdur. “Tottenhem”də Ceyms Maddison və Dejan Kulusevski sıradan çıxıb ki, bu da hücum xəttində variantların azalmasına səbəb olur, eyni zamanda müdafiə xəttində də itkilər var. “Liverpul” isə Afrika Millətlər Kubokuna yollanan Məhəmməd Salahsız, eləcə də Kodi Qakpo və Co Qomez olmadan oyuna hazırlaşır, Dominik Soboslayın iştirakının isə sual altında olduğu bildirilir.
“Aston Villa” - “Mançester Yunayted” (21 dekabr)
Turun ikinci cəlbedici qarşılaşması “Villa Park” stadionunda baş tutacaq. “Aston Villa” həftəsonunu 33 xalla 3-cü pillədə qarşılayır və lider “Arsenal”dan cəmi üç xal geri qalır. “Mançester Yunayted” isə 26 xalla 6-cı yerdədir və ilk dördlüklə əlaqəni qoruyur.
Unai Emerinin komandası oyuna inamlı seriya fonunda çıxır və öz meydanında xalları stabil şəkildə toplayır. “Mançester Yunayted” isə məhsuldar “Bornmut” heç-heçəsindən (4:4) sonra Birmingemə yollanır, lakin kadr çətinliklərini də nəzərə almalıdır. Qonaqlara diskvalifikasiya səbəbindən Kazemiro kömək edə bilməyəcək, həmçinin Mattheys de Liqt və Harri Maquayrın yoxluğu mərkəz xətti və müdafiədə balansı ciddi şəkildə təsir altına salır. Ev sahiblərində də itkilər var, lakin məşqçilər korpusu Emiliano Martinesin qayıdışına və əsas heyətin oynaq uyarlılığına ümid edir.
APL-in 17-ci turunun digər oyunları
20 dekabr
“Nyukasl” – “Çelsi”
“Bornmut” – “Bernli”
“Brayton” – “Sanderlend”
“Mançester Siti” – “Vest Hem”
“Vulverhempton” – “Brentford”
“Everton” – “Arsenal”
“Lids” – “Kristal Pelas”
22 dekabr
“Fulhem” – “Nottingem Forest”
Hazırkı APL turnir cədvəli
“Arsenal” – 36
“Mançester Siti” – 34
“Aston Villa” – 33
“Çelsi” – 28
“Kristal Pelas” – 26
“Mançester Yunayted” – 26
“Liverpul” – 26
“Sanderlend” – 26
“Everton” – 24
“Brayton” – 23
“Tottenhem” – 22
“Nyukasl” – 22
“Bornmut” – 21
“Fulhem” – 20
“Brentford” – 20
“Nottingem Forest” – 18
“Lids” – 16
“Vest Hem” – 13
“Bernli” – 10
“Vulverhempton” – 2
Teymur Tuşiyev
