Şarm Əl-Şeyxdə (Misir) 8-12 yaşlı uşaqlar arasında şahmat üzrə dünya çempionatında IV turun oyunları keçirilib.
İdman.biz xəbər verir ki, Azərbaycan idmançıları arasında ən yaxşı nəticə hərəyə 3,5 xal toplayan Əsnad Baxşızadə (U-10) və Əsnəd Vəliyevaya (U-12) məxsusdur.
IV turda hər iki şahmatçı Monqolustandan olan rəqiblərlə qarşılaşıb. Vəliyeva Batpelden Buyanxışışı, Baxşızadə isə Otqonbayar Enxjinlə heç-heçə qalıb. Şahmatçılarımız liderlərdən yarım xal geri qalırlar.
12 yaşadək oğlanlar arasında Paşam Əlizadə də 3,5 eyni xala malikdir. O, ispaniyalı Pau Marinlə sülh bağlayıb.
Zəki Feyzullayev
İdman.biz