Puerto-Rikolu boksçu Priçard Kolon 33 yaşında vəfat edib.
İdman.Biz xəbər verir ki, bu barədə onun atası sosial şəbəkələrdə məlumat paylaşıb.
Kolon 2015-ci il oktyabrın 17-də ABŞ-da Terrel Uilyamsla döyüşdə başın ənsə nahiyəsinə çoxsaylı zərbələr almışdı.
Doqquzuncu raundda iki dəfə nokdauna düşdükdən sonra Kolonun məşqçilər heyəti döyüşü davam etdirməkdən imtina etmək qərarına gəlib. Sonradan həkimlər Priçarda beyinə qan sızması diaqnozu qoyublar, bundan sonra o, yeddi ay komada qalıb. Bu, onun son boks döyüşü olub.
Komadan ayıldıqdan sonra Kolon aldığı beyin zədələrindən tam sağala bilməyib.
