13 yaşlı oyunçu "Barselona"nın əsas heyətində çıxış edəcək
İdman.biz xəbər verir ki, sosial şəbəkələrdə məşhurlaşan Məhəmməd Dabon gələn mövsümdən etibarən Kataloniya klubu basketbol komandasının əsas heyətinə keçəcək.
Sport.es portalının məlumatına görə, boyu 210 sm olan 13 yaşlı burkina-fasolu basketbolçu boyu 212 sm olan 17 yaşlı mərkəz oyunçusu Sayon Keita ilə birlikdə İspaniya nəhənginin əsas komandasına qoşulacaq.
Nəşr yazır: "Barselona" istəyir ki, Məhəmməd Dabon və Sayon Keita gələn mövsüm aparıcı oyunçular olsunlar. Onlar komandanın qalan üzvləri ilə çalışmağa başlayacaqlar".
Hər iki oyunçu bu il Abu Dabidə Avroliqanın gənclər turnirində çıxış edib. Dabon özündən xeyli yaşca böyük rəqiblərlə oynayaraq orta hesabla 12,0 xal toplayıb.
İdman.biz
