Qadınlardan ibarət komandalar arasında 3x3 formatı üzrə Ümumdünya Basketbol Seriyasının ümumi hesabında "Neftçi" ikinci pillədə möhkəmlənib.
İdman.biz-in məlumatına görə, Fransada mərhələdə ikinci yer Azərbaycan klubuna 80 xal gətirib. Ümumilikdə komandanın 831 xalı və cari seriyada ikinci yeri var ki, bu da ona Ulan-Batorda (16-17 sentyabr) final turnirinə vəsiqə qazanmağa imkan verir.
Eyni zamanda, Azərbaycan komandası 199 xalla 23-cü pillədə qərarlaşıb.
Ümumi hesabda Çin komandası liderdir (1033), Fransa isə üçüncü yerdədir (720).
Nicat Zəkiyev
İdman.biz
