Azərbaycan Basketbol Liqasında mövsümün yeni rekordu qeydə alınıb.
İdman.biz xəbər verir ki, “Sərhədçi” ən böyükhesablı ev qələbəsinin müəllifi olub.
Bakı klubu öz meydanında “Şəki”ni 30 xal fərqi ilə üstələyib – 112:82. Bunadək mövsümün heç bir oyununda ev sahibləri belə fərqə nail olmayıb.
Əvvəlki rekord “Sabah”la “Neftçi”yə məxsus idi. Sonuncular noyabrın 11-də “Şəki”yə 90:64, “Sabah” dekabrın 15-də “Sumqayıt”a 105:79 hesabı ilə qalib gəlib.
Qeyd edək ki, “Sərhədçi”nin qalibiyyəti ümumilikdə mövsümün 5-ci ən böyükhesablı qələbəsidir. Daha böyük fərqin qeydə alındığı dörd matç qonaqların üstünlüyü ilə yekunlaşıb.
İdman.biz
