Bu gün basketbol üzrə Azərbaycan Kubokunda 1/4 final mərhələsinə start veriləcək.
İdman.Biz xəbər verir ki, ilk oyun günündə iki görüş baş tutacaq.
Saat 16:00-da “Ordu” “Sumqayıt”la, 19:00-da isə “Sabah” “Quba” ilə qarşılaşacaq. Hər iki matç Bakı İdman Sarayında baş tutacaq.
Fevralın 19-da “Gəncə” - “Neftçi” və “Abşeron Lions” - “Şəki” matçları təşkil olunacaq.
Qeyd edək ki, “Ordu” - “Sumqayıt” cütünün qalibi “Sabah” - “Quba” qarşılaşmasının qalibi ilə üz-üzə gələcək. “Gəncə” - “Neftçi” duelində üstün olan tərəf isə “Abşeron Lions” - “Şəki” cütünün qalibi ilə qarşılaşacaq.
