“Sərhədçi” komandası növbəti oyunlarda daha yaxşı çıxış etməyə çalışacaq”.
İdman.Biz xəbər verir ki, bunu komandanın baş məşqçisi Anar Sarıyev Azərbaycan Basketbol Liqasının III turunda “Ordu”ya 73:85 hesablı məğlubiyyəti şərh edərkən deyib.
Mütəxəssis bu görüşdə səhvlərə yol verdiklərini vurğulayıb:
“Yaxşı mübarizə apardıq. Amma bu, qələbə üçün yetərli olmadı. Səhvlərimiz yenə də çox idi. Növbəti oyunlarda səhvləri azaltmalıyıq. Bir-birimizə daha çox inanmalıyıq. Mən bu komandaya inanıram. Sadəcə bizə bir az vaxt lazımdır. Növbəti oyunlarda daha yaxşı çıxış etməyə çalışacağıq”.
