AFFA Hakimlər Komitəsinin sədri Rəhim Həsənov Misli Premyer Liqasının 14-cü turunda və Bizon Azərbaycan Kubokunun 1/8 final mərhələsində keçirilən oyunlarda qeydə alınan mübahisəli epizodlarla bağlı fikirlərini bildirib.
İdman.Biz-in məlumatına görə, Həsənov bu barədə qurumun mətbuat xidmətinə açıqlama verib.
O, ümumilikdə 5 görüşdə qeydə alınan 5 epizodla bağlı fikirlərini bölüşüb.
Hakimlər Komitəsinin sədri FIFA referiləri Kamal Umudlunun “İmişli” – “Sabah” qarşılaşmasında, Əliyar Ağayevin isə “Sumqayıt” – “İmişli” oyununda təyin etdikləri penalti qərarlarının səhv olduğunu vurğulayıb.
