“Bu qarşılaşmada da gənc futbolçulara və yeni transferlərə şans verdik”.
İdman.Biz xəbər verir ki, bu sözləri Gəncə təmsilçisinin baş məşqçisi Azər Bağırov klubun mətbuat xidmətinə açıqlamasında deyib.
“Kəpəz”in baş məşqçisi “Karvan-Yevlax”a qarşı keçirilən yoxlama oyunu ilə bağlı danışıb:
“Matç yaxşı keçdi. Bu qarşılaşmada da gənc futbolçulara və yeni transferlərə şans verdik. Yaxşı təsir bağışladılar. Bununla da təlim-məşq toplanışını başa vurduq. Bir günlük istirahətdən sonra “Qarabağ”la oyunun hazırlığına başlayacağıq. Mövsümün qalan hissəsində daha yaxşı çıxış edib, xallar qazanmağa çalışacağıq”.
Qeyd edək ki, “Karvan-Yevlax” - “Kəpəz” görüşündə hesab açılmayıb.
