“Çox yaxşı idi. Azarkeşlərin yüksək dəstəyi var idi”.
Bunu “Neftçi”nin futbolçusu Adeleke Akinyemi futbolinfo.az-a müsahibəsində deyib.
Həmin müsahibəni təqdim edirik.
– Azərbaycan liqasında və “Neftçi”də özünüzü necə hiss edirsiniz?
– Çox yaxşı hiss edirəm. Düşünürəm ki, bura mənim üçün yaxşı seçimdir. Bütün düşüncələrim pozitivdir. Gəldiyim gündən ancaq yaxşı şeylər görmüşəm. Bu səbəbdən özümü rahat və motivasiyalı hiss edirəm.
– Azərbaycan və son oynadığınız Finlandiya çempionatlarını müqayisə etsək…
– Azərbaycan çempionatını seçərəm. Həqiqətən bura daha yaxşıdır. Rəqabətli çempionat var. Hələ ki, qısa müddətdir burdayam, amma xeyli pozitiv fikirlər formalaşıb.
– Növbəti oyununuz “Qarabağ”a qarşıdır. Onlara qalib gələ biləcəksiz?
– Düşünürəm ki, qələbə qazana bilərik. Baxmayaraq ki, rəqibimiz güclüdür. Amma biz də meydana 3 xal üçün çıxacağıq.
– “Qarabağ” haqqında məlumatınız var?
– Əlbəttə. “Qarabağ” Azərbaycanın ən yaxşı klubudur. Amma biz qələbə qazanmaq istəyirik.
– “Sabah”la matçda azarkeşlərin yaratdığı atmosfer xoşunuza gəldi?
– Çox yaxşı idi. Azarkeşlərin yüksək dəstəyi var idi. Ona görə çox bəyəndim.
