“Ayın qolu” layihəsi çərçivəsində noyabr ayının qalibi müəyyənləşib.
İdman.biz xəbər verir ki, “Sumqayıt”ın futbolçusu Rövlan Muradov bu nominasiyada fərqlənib.
Bu gün keçirilən “Sumqayıt” – “Qarabağ” görüşündən əvvəl qalibə mükafatlar təqdim olunub. Ona mükafatları "Kapital Bank Arena"da Peşəkar Futbol Liqasının vitse-prezidenti Aslan Şahgəldiyev təqdim edib.
Qeyd edək ki, Rövlanın XII tur çərçivəsində keçirilən “Sumqayıt” – “Araz-Naxçıvan” (2:0) görüşündə vurduğu qol “Ayın qolu” seçilib.
İdman.biz