"Arsenal"ın keçmiş futbolçusu Niklas Bendtner Nyu-Yorkda bıçaqla hücuma məruz qalıb.
İdman.biz xəbər verir ki, danimarkalı veteran futbolçu ciddi zərbə almayıb.
Niklas Nyu-York küçələrindən birində dostları ilə gəzərkən zorakılıqla üzləşib və yanındakılardan biri üzündən yaralanıb. Onlara hücum edən şəxsin əvvəllər məhkum olunduğu bildirilib. Hadisə videokameralar tərəfindən qeydə alınıb.
Bendtner videodakı şəxsin o olduğunu təsdiq etsə də, hadisə ilə bağlı açıqlama verməyib.
Qeyd edək ki, hücum edən şəxs polis tərəfindən saxlanılıb.
İdman.biz
