“Beşiktaş”ın Xames Rodriges arzusu reallaşa bilər.
İdman.biz xəbər verir ki, kolumbiyalı futbolçu “San-Paulu” ilə müqaviləni pozmaq arzusundadır.
Türkiyədən sərfəli təklif alan 32 yaşlı yarımmüdafiəçi menecerləri Braziliya klubu ilə danışıqlara start verib. Rodrigesin “San-Paulu” ilə 2025-ci ilin yayına kimi müqaviləsi var. Buna baxmayaraq, Xames özünü Türkiyədə sınamaq üçün razılaşmanı vaxtından əvvəl pozmağı düşünür.
Qeyd edək ki, kolumbiyalı ötən ilin yayında “San-Paulu”ya keçib. Rodriges komandanın heyətində 14 oyunda 1 ol vurub, 3 ötürmə verib.
İdman.biz