“Real Madrid”in baş məşqçisi Joze Mourinyo PSJ-nin ulduz futbolçuların fiziki yüklənməsini idarə etmək strategiyasını mənimsəyib.
İdman.Biz “Marca” nəşrinə istinadən xəbər verir ki, portuqaliyalı mütəxəssis Paris klubunun baş məşqçisi Luis Enrikenin tətbiq etdiyi yanaşmadan istifadə etməyə başlayıb.
Yeni plana əsasən, futbolçuların istirahəti yalnız oyunlarda rotasiya ilə məhdudlaşmayacaq. Onlara əlavə istirahət günləri veriləcək, həmçinin psixoloji yorğunluğun aradan qaldırılması üçün xüsusi tədbirlər görüləcək.
Luis Enrike mövsümün əvvəlində və ortasında aparıcı futbolçularına istirahət imkanı yaradaraq onların həlledici mərhələyə yorğunluq və zədələr olmadan çatmasını hədəfləyir.
Mourinyonun yeni sistemindən ilk yararlanan futbolçular Arda Güler və Orelyen Tçuameni olublar. Onlara Çempionlar Liqasının liqa mərhələsinin dördüncü turunda Yunanıstan AEK-i ilə keçirilən və 3:2 hesabı ilə başa çatan qarşılaşmada istirahət verilib.
Gələcəkdə bu yanaşmanın “Real Madrid”in digər futbolçularına da tətbiq edilməsi planlaşdırılır.
