Beynəlxalq Peşəkar Futbolçular Federasiyası (FIFPRO) 2026-cı ilin rəmzi komandasına namizəd olan 26 futbolçunun adını açıqlayıb. Siyahıda Lionel Messi, Kriştianu Ronaldu və “Qızıl top”un son qalibi Harri Keyn də yer alıb.
İdman.Biz xəbər verir ki, namizədlər 2025-ci il avqustun 4-dən 2026-cı il iyulun 19-dək göstərdikləri çıxışlara əsasən müəyyənləşdirilib. Siyahıya düşmək üçün futbolçuların yüksək liqalarda və ya əsas milli komandaların heyətində ən azı 30 oyunda iştirak etməsi tələb olunub.
İlin rəmzi komandası peşəkar futbolçuların səsverməsi əsasında formalaşdırılacaq. Yekun 11-lik noyabrın 9-da açıqlanacaq.
Namizədlərin tam siyahısı:
Qapıçılar: Tibo Kurtua, Emiliano Martines, David Raya.
Müdafiəçilər: Pau Kubarsi, Mark Kukurella, Vircil van Deyk, Qabriel Maqalyaes, Əşrəf Hakimi, Nunu Mendeş, Vilyam Saliba, Dayot Upamekano.
Yarımmüdafiəçilər: Cud Bellinqem, Bruno Fernandeş, Enzo Fernandes, Pedri, Deklan Rays, Rodri, Vitinya.
Hücumçular: Holand, Harri Keyn, Xviça Kvaratsxeliya, Kilian Mbappe, Lionel Messi, Maykl Olise, Kriştianu Ronaldu, Lamin Yamal.
