“Mançester Yunayted”in baş məşqçisi Maykl Karrik Premyer Liqada “Tottenhem”lə 1:1 hesablı heç-heçədən sonra komandasının daha dözümlü olmalı olduğunu söyləyib.
İdman.Biz xəbər verir ki, mütəxəssis uğursuz nəticələrə görə məsuliyyətdən yayınmadığını vurğulayıb:
“İndiyədək topladığımız xalların sayından razı deyiləm. Vəziyyəti çox qısa müddətdə müsbət istiqamətə dəyişməliyik”.
Karrik futbolçularını oyun zamanı daha ağıllı davranmağa, daha inadkar olmağa və üstünlüyü sonadək qorumağa çağırıb.
Brayan Mbemonun qolu ilə önə keçən “Mançester Yunayted” əlavə vaxtda Dominik Solankenin vurduğu qolla qələbəni əldən verib.
Komanda ilk altı turda altı xal toplayıb.
