“Tottenhem” futbol klubunun rəhbərliyi komandanın baş məşqçisi postuna Arne Slotun namizədliyini nəzərdən keçirə bilər.
İdman.Biz ESPN-ə istinadən xəbər verir ki, London klubu Roberto De Dzerbini niderlandlı mütəxəssislə əvəzləmək imkanını araşdırır.
Slot daha əvvəl də “Tottenhem”in baş məşqçi postuna namizədlər arasında olub. Onun adı 2023-cü ildə Angelos Postekoqlunun təyinatından əvvəl bu vəzifəyə iddiaçılar sırasında yer alıb.
Premyer Liqanın ilk beş turunda cəmi iki xal toplayan “Tottenhem” turnir cədvəlinin sonuncu - 20-ci pilləsində qərarlaşıb.
London təmsilçisi növbəti oyununu bu gün səfərdə “Mançester Yunayted”ə qarşı keçirəcək. Qarşılaşma “Old Trafford” stadionunda baş tutacaq.
