Neymar altı dəqiqəyə dubl etdi, “Santos”u məğlubiyyətdən xilas etdi - VİDEO

Braziliyalı futbolçu “Flamenqo” ilə oyunda fasilədən sonra meydana çıxaraq iki penalti zərbəsini dəqiq yerinə yetirib.

İdman.Biz xəbər verir ki, Braziliya çempionatının 29-cu turunda “Santos” doğma meydanda lider “Flamenqo” ilə 2:2 hesablı heç-heçə edib.

Qarşılaşmanın ilk hissəsində Danilo və Lukas Paketa fərqlənərək qonaqları iki top fərqi ilə önə keçiriblər. Fasilədən sonra meydana çıxan Neymar isə komandasının geridönüşünə imza atıb.

Braziliyalı hücumçu 81-ci və 87-ci dəqiqələrdə penalti zərbələrini dəqiq yerinə yetirərək hesabı bərabərləşdirib. Beləliklə, “Santos” məğlubiyyətdən xilas olub və bir xal qazanıb.

View this post on Instagram

A post shared by İdman.Biz (@idmanbiz)

Qeyd edək ki, Neymar cari mövsümdə Braziliya çempionatında 13 oyunda 8 qol vurub və 3 məhsuldar ötürmə ilə yadda qalıb.