İspaniyanın “Barselona” futbol komandasının yarımmüdafiəçisi Fermin Lopes “Sevilya” ilə (1:3) səfər matçından sonra ailəsi ilə bağlı diqqətçəkən jest edib.
İdman.Biz xəbər verir ki, 23 yaşlı futbolçu “Ramon Sançes Pizxuan” stadionundakı tribunada onu dəstəkləyən nənəsi Lolinin yanına gedib. Fermin təhlükəsizlik əməkdaşından “Nənəmi buraxa bilərsiniz?” deyə xahiş edib və daha sonra onu qucaqlayıb.
Ferminin ailəsi El Kampilloda yaşayır və oradan Sevilyaya avtomobillə bir saatdan bir qədər çox yol var. Buna baxmayaraq, Loli nəvəsini canlı izləmək üçün stadiona gəlib. Futbolçu əvvəllər də nənəsinin peşəkar karyerasına çatmasında böyük rolu olduğunu vurğulayıb.
Fermin “Sevilya” ilə oyunda əsas heyətə qayıdıb və “Barselona”nın 3:1 hesablı qələbəsinə töhfə verib.
Qeyd edək ki, Fermin Lopes Luis de la Fuente tərəfindən yenidən İspaniya millisinə çağırılıb. O, zədə səbəbindən dünya çempionatını buraxdıqdan sonra UEFA Millətlər Liqası oyunları üçün yığmaya qayıdır.
