FIFA-nın İntizam Komitəsi Türkiyənin İkinci Liqa təmsilçisi “Adana Demirspor”la bağlı sərt cəza qərarı çıxarıb.
İdman.Biz Türkiyə Futbol Federasiyasına istinadən xəbər verir ki, FIFA klubla bağlı aparılan 4 ayrı intizam işi üzrə müvafiq sanksiya tətbiq edib. Qərara görə, Adana təmsilçisinin aktivindən ümumilikdə 24 xal silinib.
Bu qərardan sonra komanda 2026/2027 mövsümünə böyük mənfi 24 xalla başlamaq məcburiyyətində qalacaq.
Qeyd edək ki, Türkiyəni avrokuboklarda da təmsil edən “Adana Demirspor” son dövrlər maliyyə və inzibati problemlər yaşayır.
