İspaniya La Liqasının üçüncü turunda “Real” doğma meydanda “Malaqa” üzərində böyükhesablı qələbəyə sevinib.
İdman.Biz xəbər verir ki, “Santyaqo Bernabeu” stadionunda keçirilən qarşılaşma Madrid klubunun 4:0 hesablı üstünlüyü ilə yekunlaşıb.
Hesab 19-cu dəqiqədə açılıb. Cud Bellinqem qonaqların qapısına yol tapıb. 26-cı dəqiqədə “Malaqa”nın qapıçısı Alfonso Errero avtoqol müəllifi olub.
Dörd dəqiqə sonra Kilian Mbappe fərqi üç topa çatdırıb. Matçda son nöqtəni isə 90+1-ci dəqiqədə Arda Güler qoyub – 4:0.
Bu nəticədən sonra “Real” üç oyunda maksimum nəticə göstərərək 9 xalla turnir cədvəlinə başçılıq edir. “Malaqa” isə 1 xalla 19-cu pillədə qərarlaşıb.
Növbəti turda “Real” sentyabrın 4-də “Betis”lə, “Malaqa” isə sentyabrın 6-da “Levante” ilə qarşılaşacaq.
