İtaliyanın “Yuventus” klubu qapıçı mövqeyinə yeni futbolçu transfer edib.
İdman.Biz xəbər verir ki, Turin təmsilçisi İngiltərənin “Tottenhem” klubunda çıxış edən Qulyelmo Vikarionun keçidini rəsmən açıqlayıb. 29 yaşlı qapıçı 2027-ci il iyunun 30-dək icarə əsasında “Yuventus”un formasını geyinəcək.
Razılaşmaya futbolçunun transfer hüquqlarının alınması üçün 10 milyon avro (19,67 milyon AZN) dəyərində satınalma opsiyası da daxil edilib. Bu şərt məcburi deyil.
Vikario 2023-cü ildə “Empoli”dən “Tottenhem”ə keçib. O, London klubunun heyətində 117 oyuna çıxıb və 2024/25 mövsümündə UEFA Avropa Liqasının qalibi olub.
İtaliyalı qapıçı karyerası ərzində “Udineze”, “Venesiya”, “Peruca”, “Kalyari” və “Empoli” klublarında da çıxış edib.
Məlumata görə, “Yuventus” 2027-ci il iyunun 30-dək Vikarionun əməkhaqqısını da tam ödəyəcək. Qapıçının mövsümlük maaşının təxminən 2,5 milyon avro (4,92 milyon AZN) olduğu bildirilir.
