Poçettino ilk transferini “Yuventus”dan etmək istəyir

16 Noyabr 2026 12:13
28
Poçettino ilk transferini “Yuventus”dan etmək istəyir

İngiltərənin “Mançester Yunayted” futbol klubunun yeni baş məşqçisi Maurisio Poçettino komandanın ilk transfer hədəfini müəyyənləşdirib.

İdman.Biz İtaliyanın “La Gazzetta dello Sport” nəşrinə istinadla xəbər verir ki, argentinalı mütəxəssis “Yuventus”un yarımmüdafiəçisi Veston Makkennini İngiltərə klubunda görmək istəyir. Poçettino amerikalı futbolçunun transferini yanvar ayındakı qış transfer pəncərəsində reallaşdırmağı planlaşdırır.

Tərəflər arasında əlaqələrin olması bu keçid ehtimalını artıran amillərdən biri hesab edilir. Belə ki, Poçettino ABŞ millisində çalışdığı müddətdə Makkenni ilə birlikdə işləyib və futbolçunun imkanlarına yaxından bələddir.

Bununla belə, transferin reallaşması asan olmayacaq. “Yuventus” rəhbərliyi 28 yaşlı yarımmüdafiəçini komandada saxlamaq istəyir. Turin təmsilçisinin onu buraxmaq üçün yüksək məbləğdə təklif gözlədiyi bildirilir. Makkenninin klubla müqaviləsi 2030-cu ilin yayına qədər qüvvədədir.

Qeyd edək ki, Veston Makkenni 2022/2023 mövsümündə icarə əsasında İngiltərənin “Lids Yunayted” klubunda da çıxış edib.

İdman.Biz