“Əl-İttihad”ın hücumçusu Kərim Benzema komandasının növbəti oyununu buraxa bilər.
İdman.Biz xəbər verir ki, klub yanvarın 29-da Səudiyyə Ərəbistanı Pro Liqasının 19-cu turunda səfərdə "Əl-Fateh"lə qarşılaşacaq. Jurnalist Ben Ceykobsun sosial media platforması X-də verdiyi məlumata görə, oyunçunun mümkün yoxluğu yeni müqaviləsi ilə bağlı problemlərlə bağlıdır.
Mənbənin məlumatına görə, 38 yaşlı hücumçu müqavilə təklifindən narazıdır və klub rəhbərliyinə matçı buraxmaq niyyəti barədə məlumat verib. Benzema şəxsən qarşıdakı matçda oynamamağı xahiş edib. Oyunçu ilə “Əl-İttihad” arasında aparılan danışıqlar nəticə verməyib və bu, hücumçunun qərarının əsas səbəbidir.
Benzemanın klubla hazırkı müqaviləsi 30 iyunda başa çatır. Bu mövsüm hücumçu “Əl-İttihad”da 21 oyun keçirib və 16 qol vurub. Komanda hazırda 17 oyundan sonra 30 xalla turnir cədvəlində altıncı yerdədir.
