“Liverpul”un baş məşqçisi Arne Slot, Uqo Ekitikenin “Arsenal”la keçiriləcək Premyer Liqanın 21-ci tur matçında oynayıb-oynamayacağı ilə bağlı sualı cavablandırıb.
İdman.Biz bildirir ki, oyun yanvarın 8-də olacaq.
“O, hələ bizimlə məşq etməyib. Hugonun bu gün qayıda biləcəyini görəcəyik. İki-üç gün əvvəl “Fulhem”lə oynadığımız zaman Ekitikenin qısa müddətə meydandan kənarda qalacağını demişdim, amma bu çətindir, çünki oyunlar çox tez keçir. O, komanda ilə məşq edə bilər, ya da əlavə bir-iki günə ehtiyacı ola bilər", - deyə ESPN Slotdan sitat gətirib.
Fransalı futbolçu əzələ zədəsi səbəbindən “Fulhem”la oyunu buraxıb. Bu mövsüm hücumçu klubun heyətində bütün yarışlarda 25 oyunda 10 qol vurub və iki məhsuldar ötürmə edib.
