İspaniya La Liqasının 10-cu turunun “Vilyarreal” və “Rayo Valyekano” komandaları arasında keçirilən oyun başa çatıb.
Komandalar “Estadio Ceramica” (Vilyarreal) stadionunda oynayıblar.
İdman.Biz bildirir ki, meydan sahibləri 4-0 hesabı ilə qalib gəliblər.
Hücumçu Gerar Moreno matçın ilk qolunu 22-ci dəqiqədə vurub. İkinci hissədə “Vilyarreal”ın hücumçusu Alberto Moleyro 57-ci dəqiqədə qol vurub və iki dəqiqə sonra yarımmüdafiəçi Santyaqo Komesansaya məhsuldar ötürmə edib. Meydan sahiblərinin hücumçusu Ayoze Peres 65-ci dəqiqədə komandasının dördüncü qoluna imza atıb.
11 oyundan sonra “Vilyarreal”ın 23 xalı var və turnir cədvəlində ikinci yerdədir. “Rayo Valyekano” 14 xalla 10-cu yerdədir.
