La Liqa rəhbərliyi İspaniya Futbolçular Assosiasiyasına (AFE) məktub göndərərək, çempionatda futbolçuların etirazlarının mümkün nəticələri ilə bağlı xəbərdarlıq edib.
Bu barədə İdman.Biz “AS”a istinadən xəbər verir.
Etirazlar “Vilyarreal” – “Barselona” matçının ABŞ-da keçirilməsinə qarşıdır.
İspan nəşrinin məlumatına görə, həmkarlar ittifaqı nümayəndələri oyunçuların hərəkətinin heç bir qanuni müddəaları pozmadığı üçün xəbərdarlıqdan qorxmadıqlarını iddia edirlər.
Bununla belə, komandaların kapitanları rəsmilərin məktubunu AFE-yə təzyiq kimi qiymətləndiriblər. Bundan əlavə, onlar oyunçuların etirazının televiziya verilişlərində göstərilmədiyi üçün liqanın senzurasından hiddətləniblər.
