İngiltərə və Uels yığmaları arasında yoldaşlıq görüşü keçirilib.
İdman.Biz bildirir ki, komandalar Londondakı “Uembli” stadionunda qarşılaşıblar. Meydan sahibləri 3:0 hesablı qələbə qazanıb.
Hesabı üçüncü dəqiqədə yarımmüdafiəçi Morqan Rocers açıb. 11-ci dəqiqədə hücumçu Olli Uotkins komandasının üstünlüyünü artırıb. 20-ci dəqiqədə cinah hücumçusu Bukayo Saka üçüncü topu uelslilərin qapısından keçirib.
İngiltərənin növbəti oyunu DÇ-2026-nın seçmə mərhələsi çərçivəsində Latviya ilə səfərdə olacaq. Qarşılaşma çərşənbə axşamı, oktyabrın 14-də baş tutacaq. Bir gün əvvəl Uels seçmə qrupda Belçikanı qəbul edəcək.
