Azərbaycan milli komandasının voleybolçusu Ayşən Abduləzimova macarıstanlı "Vaşaş"a ölkə çempionatına qələbə ilə başlamasına kömək edib.
İdman.biz xəbər verir ki, Ekstraliqanın ilk turunda Macarıstan çempionu öz meydanında KNRC klubunu qəbul edib. Qarşılaşmanın favoriti 3:1 hesabı ilə qalib gəlib, voleybolçumuz isə 7 xal qazanıb.
Qeyd edək ki, Abduləzimova iki il ardıcıl həm çempionluq, həm də ölkə kubokunu qazanan "Vaşaş"ın kapitanıdır. Komanda Çempionlar Liqasının qrup mərhələsində də çıxış edəcək.
Nicat Zəkiyev
İdman.biz
