“Azərreyl”in voleybolçusu Raziyə Əliyevanın İdman.biz saytına müsahibəsi
- Azərbaycan Yüksək Liqasında ilə yekun vurulub. 7 turdan sonra turnir cədvəlində lidersiz. Çıxışınızı necə şərh edərdiz?
- Bu mövsüm ölkə çempionatında komandaların sayı artıb. Hər bir klubda artıq güclü voleybolçular yer alır. Buna görə də hər oyuna maksimum səviyyədə ciddi yanaşırıq. İli birinci yerdə bitirdiyimizə görə çox xoşbəxtəm.
- Amma mövsümə məğlubiyyətlə başlamışdız. İlk oyundan sonra ardıcıl qələbələrin nəyin hesabına əldə etdiz?
- İlk oyunda bir sıra səhvlərə yol vermişdik. Lakin sonra çatışmazlıqları analiz etməyə başladıq. Hər bir səhvin üzərində yenidən çalışdıq. Məşqlərə nizam-intizamla yanaşdıq və bütün bunların nəticəsində də qələbələrimizi sıraladıq.
- İkinci dövrdə yeganə məğlub olduğunuz “Abşeron”la bir daha qarşılaşacaqsız. Revanş almaq çətin olmayacaq?
- "Abşeron"la oyuna yaxşı şəkildə hazırlaşacağıq. Onlara qarşı mübarizə aparmaq, qələbə qazanmaq üçün yaxşı şanslarımız var. Komandamıza güvənirəm. Bu matçda da üzüağ çıxacağımıza inanıram.
- Onda “Azərreyl”un titulunu qoruyacağına əminsiz?
- Təbii ki, biz bunun üçün çalışırıq. Öz liderliyimizi qoruyub saxlamaq üçün nə lazımdırsa edəcəyik.
- Bəs bunun üçün yeni transferə ehtiyac var, yoxsa hazırkı heyət kifayət edəcək?
- Fikrimcə, komandamızda çox yüksək səviyyəli oyunçular çıxış edir. Hər birinin yüksək potensialı və təcrübəsi var. Buna görə də yeni oyunçuya ehtiyac yoxdur.
Banuçiçək Hüseynli
İdman.biz