Avropa Olimpiya Komitələrinin (EOC) prezidenti Spiros Kapralos ötən ayı dəyərləndirərkən Bakıda keçirilmiş I Avropa Oyunlarının 10 illiyi münasibətilə fikirlərini bölüşüb.
İdman.biz xəbər verir ki, Kapralos 2015-ci ildə ilk dəfə belə çoxnövlü idman forumunu təşkil etməklərinin həyəcanverici hadisə olduğunu vurğulayıb.
EOC prezidenti fikirlərini belə ifadə edib: “EOC Bakıdakı ilk Avropa Oyunlarının təşkil olunmasının 10 illik yubileyini qeyd etdi. Biz cəsarətli və iddialı bir layihənin Avropanın əsas çoxnövlü idman tədbirinə necə çevrildiyini gördük. Bakı-2015 ilə bağlı hər birimizin çox gözəl xatirələri var və bu, dünyaya Avropanın birlik və vizyonla nələrə nail ola biləcəyini göstərdi”.
İdman.biz
