Nazir Fərid Qayıbov İdmanda dopinqə qarşı Beynəlxalq Konvensiyanın sədr müavini seçilib

Xəbərlər
25 Oktyabr 2023 15:27
104
Nazir Fərid Qayıbov İdmanda dopinqə qarşı Beynəlxalq Konvensiyanın sədr müavini seçilib

Oktyabrın 25-də UNESCO-nun mənzil-qərargahında İdmanda dopinqə qarşı Beynəlxalq Konvensiyaya Tərəf Ölkələrin 9-cu Konfransı öz işinə başlayıb.

İdman.biz xəbər verir ki, 2 gün keçiriləcək konfransa Azərbaycanı gənclər və idman naziri Fərid Qayıbovun rəhbərlik etdiyi nümayəndə heyəti təmsil edir.

Konfransın gündəliyinə əsasən, bu gün Konvensiyanın Bürosuna seçkilər keçirilib və nazir Fərid Qayıbov yekdilliklə Büronun sədr müavini seçilib.

Konfransda həmçinin, cari ilin iyun ayında ölkəmizin Bədən Tərbiyəsi və İdman üzrə Nazirlərin və Yüksək Vəzifəli Şəxslərin VII Beynəlxalq Konfransına ev sahibliyi etməsi, UNESCO-nun bir çox layihələrində fəal iştirakı və ümumiyyətlə təşkilata verdiyi töhfəsi həm üzv dövlətlər, həm də bütövlükdə təşkilat tərəfindən yüksək qiymətləndirilib.

İdman.biz